Undirbúningsnefnd

Þakkarkort frá sóknarnefnd !

2006-06-13T19:13:00.000Z

Árgangi ´62 barst svohljóðandi kort í dag !
Ísafirði, 9. júní 2006
Kæra Sigríður (Sigga Hreins lagði inn 80 þús f.h. árgangsins)
Við í sóknarnefndinni funduðum s.l. fimmtudag og lögðum fram eftirfarandi bókun.
Sóknarnefnd metur mikils þann hlýhug og stuðning sem felst í peningagjöf fermingarbarna vorsins 1976 sem mun fara í gerð altaristöflu í Ísafjarðarkirkju. Sóknarnefndin þakkar fyrir gjöfina og biður gefendum guðs blessunar
f.h. sóknarnefndar
Helga Friðriksdóttir, formaður

Heimasíðumálin !!!!!!!!!!

2006-05-23T23:19:00.000Z

Gífurleg viðbrögð hafa verið við beiðni um aðstoð við að halda heimasíðu úti með myndum. Nefndin fundaði í dag og voru allir á því að halda þessu eitthvað áfram og koma sem fyrst upp almennilegri gestabók, með engu "böggi". Siggi Sig hefur staðið sig eins og hetja með árgangssíðuna og er spurning hvort hægt er að sameina þetta á einhvern hátt, eða hvort setja á upp nýja síðu með öllum upplýsingum á einum stað. Hverjar eru ykkar óskir og ábendingar????? Þessi frábæra helgi okkar kom vel út á fjárhagsáætlun, sem stóðst fyllilega. Sjáum við fram á að geta greitt ca. 80 þúsund til kirkjunnar og náum líka að borga útlagðan kostnað við myndahýsingu. Endilega verið dugleg að koma með hugmyndir.... HVAÐ VILJIÐ ÞIÐ ??

Fréttin af "flippinu"

2006-05-23T11:13:00.000Z

Á BB má sjá frétt af hitting helgarinnar !!

Verið dugleg að senda myndir !

2006-05-22T12:39:00.000Z

Verið dugleg að senda myndir og rifja upp atburði síðustu daga !! Rafrænar myndir getið þið sent í tölvupósti. Getið líka sent "óþarfa upplýsingar" á sama netfang að ekki sé minnst á sögur af liðnum dögum og ný liðinni helgi !!

Fjárhagslegur stuðningur óskast !!

2006-05-21T01:48:00.000Z

Böggið heldur bara áfram.... og vil ég, Ingibjörg, fara þess á leit við ykkur sem eigið auka aur að þið sýnið fjárhagslegan stuðning í verki til að hægt verði að halda þessari síðu uppi sem lengst, þ.e. texta, myndum og tilheyrandi. Ef einhver sér sér fært að veita síðunni fjárhagslegan stuðning (kostar að vista myndasíður... því miður.... og ég er ekki sú ríkasta...) þá sendið mér tölvupóst og fáið upplýsingar um reikningsnúmer

Dásamlegir dagar !!

2006-05-21T01:09:00.000Z

Höfum átt alveg frábæran dag, AFTUR. Hittumst kl. 12:00 í Safnahúsinu (Gamla Sjúkrahúsinu), sem búið er að gera frábærlega upp. Stofurnar heita ýmsum nöfnum og safnið virkilega þess vert að skoða. Virkilega góð mæting og á RÉTTUM tíma. Röltum niður á torg og að sjálfsögðu fórum við í Gamla, þar sem beið okkar hlaðborð, kaffi, kakó og te og jumm, jumm. Héldum af stað í óvissuferðina kl. 13:30 STUNDVÍSLEGA á bæði íslenskan og danskan máta !! Sigga Hreins brilleraði í rútunni, skotin gengu vítt og breitt, mis sterk að vísu og staupin mörg skondin. Solla Kjartans útbýtti VIAGRA eins og prestur með oblátur. Leiðin lá á Flateyri þar sem varnargarðurinn var skoðaður, frábært mannvirki og fínt veður. Því næst var haldið í sundlaugina til Láru og var öllum sagt að nú yrði farið í sund á "náttúrulegum krumpugöllum" og Lára laugarvörður væri tilbúin með G-strengi og latex galla fyrir þá sem það vildu. Fáir ætluðu að þora úr rútunni við þessa tilkynningu, en auðvitað var þetta bara "pissupása". Loks var haldið aftur í rútu og sagt að nú færum við "bara" heim á Ísafjörð. Í miðjum göngum er rútan stoppuð með ljósum og látum af sjálfri Löggunni. Fólki stóð ekki alveg á sama og hélt að orðið hefði stór bílslys, en þegar það leit til hliðar kom hellir í ljós á hægri hönd, upplýstur kertaljósum, Ína, Úlfar og Kolla Sverris í þjóðbúningum, glæsilegt hlaðborð með víni og veitingum og Pólskur harmoniku leikari og Klarinettspilari. Liðið varð kjaftstopp og fílaði þetta í tætlur. Mikið var nefndin ánægð með viðbrögðin. Að loknum þessum glæsilegu veitingum var haldið af stað enn og aftur í rútu með Trausta og nú var "Dalurinn" skoðaður. Margt hefur breyst þar og gaman að geta enn séð gamla góða skálann. Veðrið var alveg ágætt framan af degi, aðeins í kaldari kantinum, en að lokinni rútuferð var SNJÓKOMA á dagskrá, að sjálfsögðu, bara til að minna liðið á hvar það hefði nú búið í þá gömlu góðu og við hvaða veður. Enginn lét veðrið þó aftra sér, húfurnar voru bara dregnar fastar á kollinn og hlýr fatnaður sóttur til foreldra, vina og vandamanna. Vel og STUNDVÍSLEGA var mætt í mat í Guðmundarbúð kl. 19:00 þar sem tók við frábær matur í umsjá Lúlúar og systra Einars Óla og hin ýmsa skemmtun. Gert létt grín að skólafélögum, hluti annáls fluttur og veislustjórn í höndum Ingibjargar og "bjöllunnar". Salli og Solla kenndu okkur hvernig á að fara í sturtu og m.a. fluttu Kitti, Venni og Aggi Bía brandara. Addi Óskars stóð upp með stæl, smassaði staupi í gólfið með látum og tilkynnti Finna sem sigurvegara Eurovision. Árný veitti ómetanlegan andlegan stuðning og var alltaf tilbúin með verkjatöflur fyrir þá sem þurftu. Anna Muggs var algjör hetja sem "greiðakona" og sá alfarið um greiðslur og frágang á þeim og millifærslur. Við "Stelpurnar" í nefndinni, Anna, Árný, Ingibjörg, Salli, Sigga og Solla þökkum kærlega fyrir frábæra helgi og vitum að næsta nefnd mun standa sig vel við næsta "sammenkomst" og leggjum við í nefndinni til að sá fundur verði haldinn á Suðursvæði landsins eða bara í Köpen !! Takk fyrir okkur !!!

Mikið var ROSALEGA gaman !!

2006-05-20T02:05:00.000Z

Yndislegt að hitta alla og "mingla" í kross. Alveg frábært að hitta svona marga í Jónsgarði, ekki síðra í kirkjunni, en afhentur var "aur" frá árgangnum í "fuglaflensusjóð" svo hægt verði að koma upp "lóum" í röðum. Frábært, klikkað stuð í Edinborg og þetta er bara byrjunin. Takk allir fyrir aðstoðina við fráganginn og þeir sem gleymdu bakpokum geta vitjað þeirra í rútunni á morgun !!!!!!! Hittumst á laugardag á slaginu 12:00 í Safnahúsinu (Gamla Sjúkrahúsinu)..... verður fjör að sjálfsögðu !!!

Mætum í myndatöku !!

2006-05-18T13:17:00.000Z

Viljum ítreka að ALLIR mæti stundvíslega kl. 18:00 á föstudag í Jónsgarð. Munum byrja á að rölta í kirkjuna og afhenda gjöfina og þar verður líka hóp myndataka. Algjört MÖST að mæta tímanlega !! Sjáumst með bros á vör ;-) Úr kirkjunni röltum við niður í Edinborg undir leiðsögn og verður m.a. boðið upp á súpu og meðlæti !

Sjáumst kl. 18:00 á föstudaginn !!

2006-05-16T19:52:00.000Z

Voooóó... nú styttist í "helgina" og munið að mæting er n.k. föstudag kl. 18:00 í Jónsgarði (blómagarðurinn við "nýja" sjúkrahúsið). Verðum ca. 40 á föstudegi og framan af laugardegi, en ca. 50 á laugardagskvöldinu. Muna að hlaða batteríin svo allir verði hressir á helginni og klæðið ykkur eftir veðri !!

Munið söngolíuna !!

2006-05-10T11:06:00.000Z

Viljum minna alla á að söngolía verður á eigin ábyrgð alla helgina !! Greiðslur streyma nú inn og er allt komið á fullt. Nefndin er að loka, læsa og negla niður dagskrá helgarinnar og verður pottþétt fjör alla helgina. Töluvert hefur verið um "óútskýrð" innlegg á reikninginn og stakk einn nefndarmaður upp á innkaupaferð á pappaglösum til Amsterdam á næstu helgi, undirtektir voru góðar að sjálfsögðu ;-) !! Endilega munið að láta skýringar fylgja þegar þið leggið inn, og/eða sendið Önnu Muggs SMS í síma 820-6565

Generalprufa og miðilsfundur....

2006-05-04T22:59:00.000Z

Nefndin fundaði í dag og fór yfir lista þeirra sem hafa tilkynnt mætingu og svo listann yfir þá sem hafa greitt..... lítið sem ekkert samræmi var þar á milli og er það virkilega leiðinlegt, ætlum við rétt að vona að gerð verði bragarbót á þessu hið snarasta og skólafélagar drífi sig í að greiða inn á reikninginn, sem gefinn er upp hér aðeins neðar. Nefndin hefur lagt í mikinn undirbúning fyrir þessa helgi og reynt að fá sem mest fyrir sem minnst og vonandi endum við ekki "hvergi með ekkert". Einnig rætt um að halda miðilsfund til að fá upplýsingar um staðfestingu fermingar og bílprófs. Munum skipa 7 manna nefnd að handan í það mál !! Nefndin var líka að spá í að halda generalprufu á helginni og keyra dagskrána "live" og fékk það virkilega góðan hljómgrunn og undirtektir !!

Nefndin fundar með bros á vör ;-)

2006-04-29T19:06:00.000Z

Nefndin fundaði í dag og alltaf jafn gaman. Endanlegt skipulag er handan við hornið og viljum við hvetja ykkur ágætu félagar til að greiða kostnað sem fyrst svo hægt sé að klára dæmið. Minnum á að þeir sem ekki sjá sér fært að koma og skemmta sér með okkur hinum, geta tekið þátt í gjöf til kirkjunnar. Allar upplýsingar eru hér að neðan. Hér vinstra megin á síðunni er "linkur", sem heitir "netföng o.fl." og þar eru ýmsar upplýsingar. Annar linkur hér vinstra megin er "Óþarfa upplýsingar" og væri rosa gaman ef þið væruð dugleg að senda upplýsingar um ykkur í tölvupósti, við sjáum um að birta þær !!

Til hamingju með fermingardagana!

2006-04-25T23:16:00.000Z

Hluti árgangsins á nákvæmlega 30 ára fermingarafmæli í dag og til lukku með það, einhverjir eiga afmæli 2. maí, voru fleiri fermingardagar???

Hvetjum ykkur til að ganga frá greiðslum sem fyrst svo hægt sé að ganga frá undirbúningi, sem er töluverður, en hrikalega gaman samt í nefndinni.

Höfum mikið verið að rifja upp og ekki verra ef þið aðstoðið okkur og komið með einhver eftirminnileg atvik, persónur eða uppákomur. Verum dugleg að tjá okkur !!

Nánari sundurliðun !

2006-04-02T20:36:00.000Z

Hér er nánari sundurliðun á kostnaði helgarinnar.....
- gjöf 1.000 krónur
- föstudagskvöld 1.500 krónur (salur og matur)
- laugardagur 4.000 krónur (rúta, veitingar o.fl.)
- laugardagskvöld 3.500 krónur (matur og salur)
Verið dugleg að borga, erum með fullt af tómum reikningum ;-)

Reikningsnúmer !! :-)

2006-04-01T00:20:00.000Z

Búið að stofna reikning: 0101-26-24189 kt. 080262-4189 endilega látið koma fram við greiðslu hver er að greiða, eða sendið Önnu Muggs sms í síma 820-6565 eða á netfangið aannagu@islandia.is og tilkynnið greiðslu. Hafið í huga að þó þið getið ekki mætt á staðinn og djammað með okkur hinum, þá getið þið allavega tekið þátt í gjöf til kirkjunnar. Stefnt er á að gefa "eina Lóu" í altaristöfluna

Dagskrá og kostnaður :-)

2006-03-23T23:22:00.000Z

Niðurstaða nefndar: upphæðin er 10.000 kr í heild sinni, (9.000 kr fyrir maka), þ.e. fyrir þau pör/hjón sem vilja vera með bæði föstudag og laugardag. Þeir sem geta bara mætt í matinn á laugardegi: fyrir maka 3.500 kr en 4.500 kr fyrir skólafélaga (gjöfin 1.000 kr inni í því). Anna Muggs sér um innheimtumál og er æskilegt að greiðslur verði inntar af hendi fyrir 20.apríl. Reikningsupplýsingar væntanlegar fljótlega !!!
Dagskrá:
Mæta kl.18 föstudaginn 19. maí í Jónsgarð (hjá nýja sjúkrahúsinu) í gönguferð, einnig hægt að mæta kl.19:30-24 í Edinborgarhúsið. Þar verður í boði súpa og brauð. Snakk og söngolía á eigin ábyrgð.
Á laugardeginum er mæting kl 12 við Safnahúsið (Gamla Sjúkrahúsið), en þá er dagskrá til kl 17, veitingar í boði, mjög skemmtileg dagskrá.
Mæting í mat á laugardagskvöldi kl.19 í Guðmundarbúð (þar sem bílasjoppan Krílið er), þriggja rétta máltíð og skemmtun að hætti hópsins. Sjáum til hvort fjörið heldur áfram á staðnum, eða hvort fólk vill kíkja á Langa Manga, Krúsina, Hótelið, Vagninn eða bara skemmta sér með okkur hinum ;-)

Skjalið breytist ört og upplýsingar flæða inn...

2006-03-21T19:37:00.001Z

Excel skjalið breytist oft á dag og þið verðið að sækja nýtt reglulega til að fylgjast með. "Óþarfa upplýsingar" streyma inn og reynum við að færa þær þokkalega "jafnóðum". Tölur eru væntanlegar í lok þessarar viku varðandi kostnað og verður sendur fjöldapóstur um leið og frekari upplýsingar berast :-)

Rifjum nú upp gömlu góðu félagana

2006-03-12T13:13:00.000Z

Viljið þið vera svo væn að líta yfir excel skjalið og gá hvort sessunaut ykkar eða bekkjarfélaga vantar á listann !! Viljum hafa sem flesta með og ekki gleyma neinum, því fleiri því betra !!

Örfáir aðilar eftir ....

2006-03-10T14:02:00.000Z

Komin með netfang á næstum alla og aðeins þessir eftir:
Kristinn Jóhannsson
Bjarni Þorbergsson
Hafþór E Guðbjartsson Bretlandi
Kristín Harðardóttir Bergmann
Hildur Bjarnason
Indriði Gíslason
Kristjana Barðadóttir
Nú erum við að falast eftir "óþarfa upplýsingum" um hvern og einn og væri rosa gaman ef þið senduð meil með t.d. nafni maka ef einhver er, fjölda barna, barnabarna, eða bara eitthvað um ykkur. Alveg frábært að fá myndir líka, sérstaklega fyrir þau okkar sem ekki komast en vilja fylgjast með. Hér er uppkast af síðu, sem er ekki enn tengd við neitt, en ef við erum dugleg að senda upplýsingar gæti þetta orðið virkilega skemmtilegt og lítið mál að fá Sigga til að smella þessu inn á árgangssíðuna !!

Netfanga leit gengur með ágætum !!

2006-03-03T12:47:00.000Z

Hjartans þakkir ágætu jafnaldrar, netfangaleit gengur með alveg ágætis móti, en þó eru nokkrir félagar okkar ófundnir á netinu. Kostnaðartalan sem við skelltum inn um daginn er alltaf að lækka og stefnir í hörkuskemmtun.
Björk Sigurðardóttir 561-4459 866-9409
Boði Stefánsson 471-1569 854-6060
Dana J Sveinsdóttir
Guðmunda J Hermannsdóttir 438-1113 852-9784
Guðrún Björgvinsdóttir 587-5221 820-7385
Guðrún Hrafnkelsdóttir 551-7689 860-3931
Hafþór E Guðbjartsson 849-6286
Halldóra B Jónsdóttir 553-3607
Helga Kristinsdóttir 553-8452 895-8452
Helga K Einarsdóttir 551-3230
Indriði Gíslason 421-4263 698-4263
Jóhannes Berg 554-7066
Jósep Gíslason 456-5344
Kristinn S Skúlason 899-7462
Kristján Guðmundsson 431-2895
Kristján Ólafsson 456-3372 854-3316
Ólafur Guðmundsson 456-5180
Sigmundur V Garðarsson 431-1767 865-9669 ???
Sigríður Guðmundsdóttir rangt netfang á árgangssíðu
Víðir Jónasson 586-2378
Þórdís Erlingsdóttir 481 2969 845 7438

Óli Vernharð Antonsson olivenni@hotmail.com

netfangið á Óla skoppar til baka, gott væri ef einhver gæti staðfest hvert rétt netfang er

Ágætu jafnaldrar, bekkjarsystkin o.s.frv.

2006-02-24T09:44:00.000Z

Nefndin var "full" mönnuð í gær og mættu, Solla Kjartans, Sigga Hreins, Salli, Árný Halldórs og Ingibjörg Snorra. Skemmtum okkur alveg ágætlega og munum senda tölvupóst til þeirra sem "svoleiðis" hafa og SMS á rest og óska eftir svörum varðandi þátttöku. Skiptir töluverðu máli að vita nokkurn vegin fjölda gesta til að hægt sé að ganga frá öllu, s.s. fyrirlestrum og aldurstengdri fræðslu. Sigga mun redda fyrirlesara um sjóndepru og fótamein aldraðra, Solla talar við lyfsala varðandi stinningarlyf fyrir karla á efri árum og hrukkukrem fyrir okkur eldri konurnar. Salli leitar að danskennara, sem gæti farið yfir þá "gömlu" með okkur, mjög rólega. Árný mun ræða við hina ýmsu banka og stofnanir varðandi aldurstengda lánamöguleika. Þið sjáið að nefndin hefur í nógu að snúast og munum við jafnframt leita til ykkar næstu daga í von um að þið bregðist vel við beiðnum okkar um aðstoð og svör

Mjúkur fundur næst ;-)

2006-02-08T23:46:00.000Z

Að loknum nefndarfundi ákvað nefndin að næsti fundur yrði "mjúkur" og "léttur". Eitthvað hefur gengið illa að muna eftir að boða einn nefndarmanna á fundi, skrifast það alfarið á Siggu og lofaði Árný að taka að sér næstu boðun...... sjáum til hvernig það gengur :-) Skemmtum okkur annars alveg konunglega þegar við hittumst og rifjum upp sögur frá liðinni tíð. Hvet ykkur til að pára okkur línu og rifja upp eitthvað gamalt og gott !!!

Annar fundur í dag !!

2006-02-08T23:29:00.000Z

Hittumst fjórar í dag, Ingibjörg Snorra, Solla Kjartans, Sigga Hreins og Árný Halldórs. Héldum á að fínpússa dagskrána, gerðum kostnaðaráætlun, ákváðum að Anna Muggs myndi sjá um fjármálin og allir sem vettlingi geti valdið og eru á Ísafirði, aðstoða og mæta með veitingar á föstudagskvöldinu. Enn er allt í "grófum dráttum" og mikið um "ca."...... en

Föstudaginn 19. maí hittumst við kl. 20:00 - 24:00 - léttar veitingar (salarleiga)
Laugardaginn 20. maí hittumst við kl. 12:00 - 17:00 Óvissuferð (rúta, gjöf til kirkju, menning, snarl)
Laugardaginn 20. maí hittumst við 19:30 til 12:00 (matur, skemmtun og salarleiga)

Kostnaður alla helgina er ca. 12.000 pr. haus (verður jafnvel eitthvað skipt niður er nær dregur og í ljós kemur hvort fólk vill bæði kvöldin o.s.frv.- glæsileg dagskrá og gert ráð fyrir að hver og einn sjái alfarið um sína söngolíu alla helgina !!!

Makar eru velkomnir frá A-Ö og gert ráð fyrir þeim alla helgina !!!

Æskilegt er að fólk fari að skrá sig sem fyrst svo hægt sé að áætla fjölda, en allt stefnir í met mætingu, getið byrjað á að skrifa ykkur hér á þetta blogg, eða senda tölvupóst á isn@simnet.is

hvað er nefnd??? spurning.... ??

2006-02-01T18:13:00.000Z

Já, það er þessi klassíska spurning um nefnd og nefndarstörf, hvað sem því líður þá hittumst við þrjár, Ingibjörg Snorra, Árný Halldórs og Sigga Hreins í gær. Ræddum málin og skiptum með okkur verkum. Vorum snöggar að skella upp beinagrind að dagskrá bæði föstudag og laugardag og ekkert gífurlegt af óvæntum atriðum. Árný ætlar að tala við prest og athuga hvort við fáum fermingu aftur, Sigga mun ræða við ökukennara svo allir eigi möguleika á endurtekt í þeirri deild og Ingibjörg sér um að kjafta öllu á vefinn

Undirbúningsnefnd fundar !

2006-02-01T13:24:00.000Z

Fyrsti fundur undirbúningsnefndar var í gær og mikið spjallað. Allt er komið á fullt og verið að plana út í eitt. Ætlunin er að setja hér inn fréttir af gangi mála og öllum frjálst að tjá sig